Промоција на две книги за 10 години од обновувањето на „Нова Македонија“

125

По повод 10 години од обновувањето на „Нова Македонија“, редакцијата на весникот денеска ќе промовира две книги – „Погледи кон светилникот“ на авторите Венко Андоновски, Билјана Ванковска, Александар Русјаков, Сашо Клековски, Ефтим Клетников и Ставре Џиков, и „Македонија во рингот“ на Александар Димковски, главен уредник на весникот.

– Повод за објавувањето е 10-годишнината од обновувањето на весникот „Нова Македонија“ кој како своја темелна вредност и прва должност ги има утврдено почитта кон вистината и правото на јавноста за дознавање на вистината, соопшти „Нова Македонија“ по повод промоцијата на двете книги кои се во издание на „НИК Нова принт“.

Промоцијата ќе се одржи во кафулето „Капри“ кај Млечен ресторан, со почеток во 11 часот.