Македонскиот тим замина на Јуниорската олимпијада по природни науки

725

Македонскиот олимписки тим денеска од Меѓународниот аеродром Скопје замина на меѓународната Јуниорска олимпијада по природни науки која ќе се одржи во Доха, Катар, од 3 до 12 декември.

На Јуниорската олимпијада учествуваат повеќе од 400 натпреварувачи од 70 држави во светот. Тие ќе се натпреваруваат индивидуално на два теоретски тестови со прашања и задачи од предметите физика, биологија и хемија, и тимски со практична работа преку изведување по еден експеримент од секоја дисциплина.

Олимпискиот тим е составен од шест ученици кои ќе ја преставуваат Македонија на Меѓународната јуниорска олимпијада по природни науки, а како покровители беа Агенцијата за млади и спорт и градоначалниците од градовите од каде што се македонските репрезенти.

Олимпискиот тим го сочинуваат учениците Матеј Гелев, Емилија Николовска, Мајкл Георгиевски, Никола Спировски, Теона Кировска и Стефан Дрмач. Истите ќе бидат под менторство на професорите од ПМФ Боце Митревски, Марина Стојановска и Лозенка Иванова.

За крај, да им посакаме среќа и успех на младите образовни амбасадори со кои треба да се гордее Македонија и да се вратат со многу победнички медали од Катар.