Македонија се приклучува кон иницијатива за здравствена заштита покрената од фондацијата на Бил Гејтс

164

На предлог на министерството за здравство, Владата на денешната седница ја прифати информацијата за приклучување на држвата кон Иницијативата за перформанси на примарна здравствена заштита.

Како што информираат од владината прес-служба, вклучувањето во ова тело овозможува пристап до меѓународна експертиза, вмрежување и зајакнување на капацитетите, но исто така носи и обврски за посветеност кон комплетирање на профилот и заедничка проценка на функционалните капацитети на примарната здравствена заштита.

– Иницијативата е основана во 2015 година, од Фондацијата Бил и Мелинда Гејтс, Светската здравствена организација и Групацијата на Светска банка и работи на унапредување на примарна здравствена заштита. Нејзината цел е да ги поддржи земјите во нивните напори за постигнување универзална здравствена покриеност преку развој на алатки за мерење на перформансите и стратегии за подобрување на системот на примарна здравствена заштита – се наведува во владиното соопштение