Владата ќе ја разгледува можноста за субвенционирање на компаниите кои ќе вработат припадници на етничките заедници

1734

Владата ќе ја разгледува можноста за субвенционирање на приватните компании кои ќе вработат Албанци или граѓани од другите помали етнички заедници, најави првиот вицепремиер Артан Груби во синоќешното гостување емисијата „Клик плус“.

Меѓудругото, Груби истакна и дека е направена грешка бидејќи ниту една жена од ДУИ не е дел од новиот владин состав, и покрај тоа што, како што кажа, континуирано се работи на родовата еднаквост.

Првиот вицепремиер нагласи и дека ќе се знае имотната состојба на сите функционери, како и приходите кои тие ги добиваат, наведувајќи го објавувањето на списокот на имотна состојба и приходи на носителите на јавни функции како еден од главните приоритети на Владата.

Груби соопшти и дека нема да се реализира изградбата на аеродром во Штип, односно оти Владата ќе ги пренасочи средствата за таа цел во проекти од областа на екологијата.