Британската амбасадорка Галовеј во Прилеп

120

Во посета на Прилеп денеска беше амбасадорката на Велика Британија Рејчел Галовеј, која оставри средба со градоначалникот Илија Јованоски. Како што инфромираат од општината, амбасадорката и градоначалникот разговарале на актуелни општествено-економски и политички теми и прашања поврзани со референдумот што ќе се одржи во недела.

– Разговаравме за теми од работата на локалната самоуправа, кои се нашите проблеми и заложби, нашите перспективи и планови во иднина. Разговаравме и за општествено-политичката состојба во која што сега, се наоѓа Република Македонија и за она што треба да направиме во иднина – посочил градоначалникот Илија Јованоски., при денешната средба со амбасадорката.

Амбасадорка на Велика Британија, ја посочила добрата британско-македонска соработка, а станало збор и за начините на коишто може да биде зајакната таа соработката.

Во рамките на својот престој во Прилеп, британската амбасадорка ќе ја посети и конфекцијата „Комфи –ангел“.

Ка.М.