Американски и грчки воени авиони со прелет над Скопје ќе го поздрават македонското членство во НАТО

617

Американската поддршка на Македонија продолжува со несмален интензитет и по влезот во НАТО. Беше предвидено околу 11.20 часот два авиони на американското воено воздухопловство придружувани од два воени авиони на Грција, да извршат прелет над територијата на Македонија, соопшти Министерството за одбрана.

Авионите над нашата земја ќе летаат на височина од 1.500 метри и нивниот прелет ќе биде проследен со силен звук.

Прелетувањето ќе биде во чест на нашето членство во НАТО. Авионите ќе летаат долж реката Вардар, а ќе дојдат од правец на скопскиот аеродром.

Американските авиони полетаа од сојузната држава Јужна Дакота и ќе имаат 30 часовен непрекинат лет со полнење гориво во воздух. Доколку временските услови го озвозможат тоа, заинтересираните граѓани ќе можат да го набљудуваат прелетот на американските авиони и авионите придружници од грчката воена авијација над Скопје.