Албанскиот претседател Мета се прошета низ Старата скопска чаршија

788
фото Дарко Андоновски

Албанскиот претседател Илир Мета денеска престојува во посета на Македонија, по повод Денот на албанската азбука.

Мета, во придружба на претседателот на македонското Собрание Талат Џафери, вицепремиерот за европски прашања Бујар Османи и лидерот на ДУИ Али Ахмети прошета низ Старата скопска чаршија и со своите домаќини се задржа пред мозаикот на плоштадот Скендербег.

фото Дарко Андоновски

Претседателот Мета, заедно со неговата делегација, претходно се сретна со премиерот Зоран Заев, при што изразил благодарност за поддршката на највисоко државно ниво што Република Македонија ја посветува на празникот Ден на албанската азбука, како настан од исклучително значење во историјата на Албанците.

По повод Денот на албанската азбука, денеска се одржуваат повеќе манифестации и настани.