Четворица новозаболени од ковид-19, без починати и оздравени и 86 активни случаи е денешниот билтен во Кичево. Четворицата новозаразени се лица со полесна клиничка слика и се под постојан надзор на матичен лекар.
– Бројот на активни случаи во Кичево во изминатото деноноќие порасна на 86, пет лица се починати, а 14 пациенти се оздравени. Вкупниот број на заразени од појавата на коронавирусот во нашата општина се искачи на 105. Радува фактот што и денешните новозаразени со ковид-19 се лица со полесна клиничка слика и реално е наскоро да очекуваме бројот на оздравени да се зголемува и да опаѓа бројот на активни случаи.
По којзнае кој пат од лично име и од име на Кризниот штаб, упатувам апел до целото наше население, да ги почитуваат мерките за заштита од ковид-19, да носат заштитни маски, редовно да одржуваат хигиена на рацете, да не се групираат во поголеми групи и само на тој начин и самите ќе си помогнат и нам здраствените работници кои се грижиме за нивното здравје – апелира д-р Џабир Бајрами, директор на Здраствениот дом и член на Кризниот штаб.
