Претседателот Александар Вучиќ денеска му го предаде на премиерот Зоран Заев првиот контингент вакцини што Србија ни ги донира. Пратката содржи 4.680 вакцини на компанијата „Фајзер“, неопходни за имунизација на граѓаните против коронавирусот.

– Донесовме 4.680 вакцини, тоа е во првата фаза. Мислам дека тоа е добра вест за нашите браќа – рече Вучиќ. Според српскиот претседател, компанијата „Фајзер“ побарала вакцините да бидат предадени според сите процедури.

Ова е половина од претходно договорените околу 8.000 дози што Србија ќе ѝ ги обезбеди на Македонија. Примопредавањето на вакцините првично беше закажано за четврток, но беше одложено за три дена поради потребата да се добие дополнителна техничка документација.