Градоначалникот на Бутел во самоизолација по средба со заразената директорка на УЈП

72

Градоначалникот на општина Бутел, Велимир Смилевски од вчера е во самоизолација, поради средбата со директорката на УЈП, Сања Лукаревска, која е позитивна на ковид-19.

– После вчерашната вест за позитивниот тест на ковид -19 на Сања Лукаревска, а поради средбата која ја имав со неа минатата недела, од вчера, а во интерес на граѓаните, самоиницијативно сум во самоизолација, и покрај тоа што при нашата средба целосно ги почитувавме мерките за заштита и обајцата – напиша Смилевски на неговиот фејсбук профил.

Тој додава дека денеска го направил тестот за Ковид-19 и резултатот го очекува во текот на утрешниот ден.

– Во моментов немам никакви симтоми и се чуствувам добро. И посакувам на мојата пријателка Сања Лукаревска и на сите граѓани кои се позитивни на ковид-19 и се во самоизолација брзо оздравување и добро здравје. Апелирам да не го потценувате вирусот да бидете максимално внимателни и да ги почитувате мерките за заштита – пишува Смилевски.

Почитувани , После вчерашната вест за позитивниот тест на Ковид -19 на Сања Лукаревска, а поради средбата која ја имав…

Posted by Velimir Smilevski on Понеделник, 01 јуни 2020