Четиридневното затворање ќе започне во Турција вечерва во 21 часот, со цел да се запре масовното ширење на епидемијата на коронавирусот за време на новогодишните празници, пренесува АП. Ограничувачките мерки, вклучително и полицискиот час, ќе почнат да се применуваат вечерва, одлучија министрите денес на седницата на грчката влада.

Градоначалникот на Истанбул рече дека околу 34.000 припадници на безбедносните служби ќе бидат на должност да следат дали се почитуваат епидемиолошките мерки во најголемиот турски град, а низ целата земја ќе бидат ангажирани 208.000 полицајци, кои ќе бидат распоредени на илјадници пунктови.

Туристите, кои се ослободени од „локдаунот“, нема да можат да излезат на плоштадите и авените за да ја прослават Новата година.

Жителите мора да останат дома од 21 до 5 часот наутро, освен во случај на барање итна медицинска помош.

За време на најрестриктивните мерки досега, сите продавници ќе бидат затворени, освен оние за храна, а рестораните можат да вршат достава.