Во Бугарија денеска се вакцинирани 32.482 лица, што е нов рекорд по бројот на вакцинирани против коронавирус за еден ден, рече министерот за здравство, Костадин Ангелов, и додаде дека целта е да се достигнат 50.000 вакцинирани за еден ден.

Од почетокот на вакцинацијата на 27 декември лани, 877.124 лица ја примиле првата доза, а 251.202 втората доза, пренесува порталот „Софија глоуб“.

– Наскоро ќе имаме милион вакцинирани граѓани – рече тој, додавајќи дека последните податоци за епидемијата покажуваат тренд на опаѓање.