Болниците во Србија се преполни

79

Речиси нема место во Србија каде што не расте бројот на заразени лица со коронавирус. Според последните податоци, вкупниот број регистрирани случаи на коронавирус во Србија е 18.360, а тестирани се 491.428 лица. Од почетокот на епидемијата се регистрирани 393 смртни случаи.

Поради тоа што се целосно исполнети капацитетите на белградските болници, медиумите јавуваат дека од денеска и Институтот за ревматологија за првпат ќе биде вклучен во ковид-системот.

Според вчерашните податоци, 287 нови случаи на коронавирус биле регистрирани во Србија, додека 11 лица починале.

Белградските болници со денови се преполни. Толпа граѓани и по неколку часа секојдневно чекаат пред ковид-амбулантата, се наведува на сајтот на РТС.