Врски засновани преку Скајп? Нема гушкање? За Швеѓаните, тоа не е социјално дистанцирање туку нивен секојдневен живот, пишува „Политико“.
Додека другите европски влади воведуваат драконски мерки со голема брзина, оставајќи го нивното население шокирано и подобро заштитено, Шведска остана неверојатно мирна среде ширењето на глобалната пандемија.
Шведска е позната по смиреноста, а некои би рекле и студениот карактер на нејзиниот народ. Во оваа „ладна“ култура, покажувањето силни емоции се смета за непристојно и несоодветно. Лиза Бјурвалд, шведска новинарка и авторка вели дека моментниот животен стил наметнат од коронавирусот, тие го практикувале долго пред да се појави заразата.
Географски, Шведска е трета по големина земја во ЕУ, но нејзиното население брои нешто повеќе 10 милиони, а главните булевари на најголеми градови секогаш се речиси празни. Всушност, според бројките од 2018 и 2019 година, поголемиот дел од шведските домаќинства бројат едно лице без деца. Станува збор за значително различно општество од, на пример, Италија, каде што различни генерации живеат под ист покрив, не само од финансиски причини, вели Бјурвалд.
Швеѓаните исто така сакаат да одржат неверојатно широко меѓусебно растојание, според принципот „мој простор и ваш простор“. За Швеѓаните тоа претставува седење на спротивните агли од собата. Тоа според нив е подобро и воопшто не е чудно. Ова правило веќе долго време е воспоставено и се применува во сите аспекти на секојдневниот шведски живот, од движење по супермаркетите до чекање на автобуската станица, па дури и кога врне дожд.
Многумина Швеѓани беа изненадени кога прочитаа за француските семејства кои се борат да се прилагодат на работата од дома и се обидуваат да создадат детални планови, само за да го поминат денот без да полудат (појадок во осум часот наутро, тогаш маж ми ги носи деца надвор, додека се обидувам да завршам работа. Потоа, се префрламе на ручек…).
– Тоа е само нормален викенд за нас Швеѓаните – наведе Бјурвалд за „Политико“.
