Додека  Италија се справува со коронавирусот, на социјалните мрежи се шират и дезинформации за тоа како да се реагира на вирусот.

Ова се дел од приказните што станале најпопуларни во земјата.

Војската е на улиците

Видеото што беше објавено на Твитер, на кое се гледаат воени возила на улиците, гледано е повеќе од 250.000 пати. Првично се вели дека возилата се наоѓале во јужниот град Фоџа, но подоцна го поправиле дека е во Палермо во Сицилија.

Овој твит беше поврзан со присуството на воените возила со немирите на затворите во Палермо оваа недела, откако беа објавени ограничувања на посетите на затворот, како дел од мерките за борба со коронавирусот.

Точно е дека војската била на улиците во Палермо, но нивното присуство не било поврзано со немирите во затворите.

Тие се враќале од воена вежба во Сардинија и не биле распоредени да се справат со немирите меѓу затворениците, ниту пак од која било друга причина поврзана со коронавирусот.

Лажна вест за вакцина што може да се купи

Ова лажно вест се појави во вид на леток, кој, наводно, бил дистрибуиран во продавници и домови во одредена област на регионот на Венеција.

Во него се вели дека вакцината е направена во Австралија за борба против Ковид-19, а единствената земја во светот што ја купила е Швајцарија.

Во летокот се тврди дека земање шест дози на вакцината ќе штити од вирусот една година, а може да се добие за 50 евра преку е-маил адреса напишано на самиот леток.

Како и да е, нема вакцина достапна никаде во светот и реално нема да биде готова барем до средината на следната година, вели Џејмс Галагер, дописник за Би-би-си.

Мит за сок од лимон

Погрешните информации за други начини за спречување на вирусот, исто така кружат на социјалните медиуми.

Меѓу нив е наводен истражувач од универзитетот Занџан во Кина, кој тврдел дека треба да се конзумира што е можно повеќе витамин Ц како заштита од вирусот.