Од следната недела граѓаните во Англија повеќе нема да бидат обврзани да носат маски или да работат од дома, изјави денеска британскиот премиер Борис Џонсон.

Тој пред Парламентот рече дека владата ќе дефинира долгорочна стратегија за живеење со коронавирусот и порача дека граѓаните треба да бидат внимателни во последните недели од зимата, бидејќи пандемијата се уште не е завршена, пренесува „Би-би-си“.

Тој исто така рече дека сојот омикрон „не е лесна болест за секого, особено не за оние кои не биле вакцинирани“.

Џонсон најави и укинување на правилата за задолжително носење маски за средношколците во училниците, јавниот превоз и продавниците.

Како што се наведува, останува во сила одредбата дека маските ќе бидат задолжителни за влез на одредени места.

„Би-би-си“ наведува дека т.н. „план Б“, кој стапува на сила на 27 јануари, содржи и одредба дека на компаниите повеќе нема да им требаат пропусници за ковид-19.

Ќе се ублажат и рестриктивните мерки за домовите за стари лица, а деталите ќе бидат објавени подоцна.

Останува обврската секој кој е позитивен на корона вирусот да оди во самоизолација.