Фармацевтските компании „Фајзер“ и „Бионтек“ денеска објавија дека три дози од нивната вакцината против коронавирус за време на лабораториски тест покажале оти имаат неутрализирачко дејство против сојот омикрон.

Во првата официјална изјава по појавата на омикрон, производителите рекоа дека по две дози се произведуваат помалку неутрализирачки антитела, но дека бустер-дозата ја засилуваат одбраната од омикрон, пренесе „Ројтерс“.

Тие додадоа дека, доколку е потребно, може да ја испорачаат вакцината против омикрон до март 2022 година.