Владата на Велика Британија пријави 53.135 нови случаи на инфекција со коронавирус во последните 24 часа, што е највисоко од масовното тестирање во средината на 2020 година и претставува нагло зголемување од претходниот рекорд од 41.385 нови инфекции од понеделникот.

А, бројот на смртни случаи е најголем во последните 28 дена и во вторникот беше 414, во споредба со 357 во понеделникот, а од почетокот на пандемијата, вкупно 71.567 луѓе починаа од ефектите на ковид-19 во Велика Британија.

Велика Британија во моментов се бори со новата верзија на ковид, за која научниците велат дека е во состојба побрзо да се шири.