Шведска, која не воведе строги мерки на затворање, забележа пониска стапка на смртност од ковид-19 во 2020 година за разлика од повеќето европски земји, покажува официјална анализа.

Експертите за инфективни болести предупредија дека овие резултати не можат да се толкуваат како доказ дека затворањето не е потребно, но признаваат дека тие можат да покажат дека шведскиот пристап во борбата против пандемијата на коронавирусот има предности што треба да се проучат.

Германија и Франција го продолжија затворањето во текот на изминатата недела како резултат на зголемените инфекции и високата смртност, што дополнително ќе го забави закрепнувањето на економијата.

Иако многу Европејци прифатија затворање како мерка за крајна итност со оглед на тоа што пандемијата не може да се стави под контрола со други методи, ова предизвика улични протести во Лондон, Амстердам и на други места во последните месеци.

Шведска, од друга страна, главно се потпираше на доброволни мерки насочени кон социјално растојание, добра хигиена и насочени правила што ги држеа училиштата, рестораните и продавниците во голема мера отворени, што сериозно ги подели граѓаните, но исто така во голема мера ја поштеди економијата од удар што се случи на други места во Европа.

Земјите кои имаа неколку затворања, како што се Шпанија и Белгија, имаа поголема на смртност од 18,1, односно 16,2 проценти.

Сепак Шведска е далеку полоша од нејзините нордиски соседи, Данска, Финска и Норвешка.