Повеќе од 100 земји го поддржаа повикот на Австралија за независна истрага за потеклото на вирусот ковид-19, изјави австралиската министерка за надворешни работи, Мариса Пејн.

Таа рече дека целта на истрагата е подобро да се подготви меѓународната заедница за борба против следната пандемија преку соработка.

Австралискиот премиер Скот Морисон изјави дека иницијативата на таа земја да покрене истрага не е насочена кон обвинување на ниту една земја.

„Тоа е искрено прашање со искрена намера и искрен мотив“, рече Морисон, пренесува ТАСС.

Меѓу државите кои првично ја поддржаа австралиската иницијатива се сите земји од Европската Унија, Велика Британија, Русија, Канада, Индија, Индонезија, Јапонија и Нов Зеланд.

Сега им се придружуваат неколку африкански земји, така што вкупниот број се искачи на 116.

Резолуцијата се очекува да биде донесена денес на 73-то Собрание на Светската здравствена организација, со која би се истакнала потребата за непристрасна, независна и сеопфатна проценка на меѓународниот одговор на пандемијата на коронавирусот координиран од СЗО.