Фармацевтската компанија „Модерна“ објави дека развива нова вакцина против ковид-19 во една доза, која комбинира засилувачка доза со експериментална вакцина против грип.

– Веруваме дека имаме голема можност пред нас, ако можеме да пласираме на пазарот високоефикасна, општа годишна анти-респираторна вакцина – изјави извршниот директор на компанијата, Стефан Бансел, пренесе „Ројтерс“.

Компанијата веќе спроведува клинички испитувања на вакцини против респираторни заболувања за возрасни.

„Модерна“ веќе развива неколку вакцини против вирусот, се наведува во извештајот.