Во пресрет на велигденските празници, австралиското државно радио СБС кое објавува содржини на повеќе јазици за заедниците во Австралија, во својата програмата на грчки јазик објави прилог за чествувањето на православниот Велигден и православното население кое живее во Австралија. Меѓу останатото беа споменати и Македонците кои живеаат во оваа држава.

Според објавата на СБС, Велигден – најважниот фестивал во христијанскиот православен календар, оваа година се слави на 2 мај од различните етнички заедници во Австралија. Кога стрелките на часовникот во сабота ќе означат полноќ, грчките православни Австралијци во црквите и домовите ќе ги изговорат зборовите  Христос Анести (Христос воскресна) и Алитос Анести (Навистина воскресна).

– Овде, во Австралија, припадниците на македонската заедница ќе го искористат истиот поздрав – Христос Воскресе, Навистина Воскресе. – објави австралиското радиото СБС

Повеќе етничките групи во Австралија го прославуваат православниот Велигден, меѓу нив руската, еритрејската, ерменската, српската, бугарската, украинската и етиопската заедница. – пренесува СБС

Aвстралиското државно радио СБС пренесува програма на повеќе јазици вклучително и на на македонски јазик за Македоците кои живеаат во Австралија.