Во Русија денеска се регистрирани 8.404 нови случаи на коронавирус, а вкупниот број заразени досега е 493.657. Активни се 234.516 случаи.

Во последните 24 часа починале 216 лица, а од почетокот на епидемијата 6.358. Оздравеле 10.386 или вкупно 252.000 луѓе.

Во Москва, каде има најмногу случаи на Ковид-19 во последните 24 часа регистрирани се 1.195 нови случаи.

Ограничувањата за движење беа укинати вчера во Москва, а дозволено е отворање на занаетчиските работилници, музеите и библиотеките.

Воената парада по повод Денот на победата над фашизмот наместо на 9 мај ќе се одржи на 24 јуни, а на 1 јули Русија ќе одржи референдум за промена на Уставот.