Американскиот претседател, Џо Бајден, ги повика властите на американските држави да го наградат секој нововакциниран граѓанин со 100 долари, со што би се зголемила стапката на имунизација, објави Министерството за финансии.

Во соопштението се вели дека за таквата иницијатива може да се користат средствата од фондот од 350 милијарди долари наменет за државите, локалните и другите власти да се борат против последиците од пандемијата.

Министерството соопшти дека ќе обезбеди техничка помош за користење на фондот за поддршка на поголема вакцинација, објави „Ројтерс“.