Мистеријата на заразените морнари ја измачува Аргентина

169

Аргентина се обидува да ја реши мистеријата за појава на инфекција со коронавирус кај 57 морнари по 35 дена поминати на море.

Коронавирусот се појавил и покрај фактот дека на тестирањето пред пловење биле негативни.

Рибарскиот брод „Ечизен Мару“ се вратил во пристаништето откако дел од морнарите развиле симптоми кои одговараат на ковид-19, објави Министерството за здравство.

Според министерството, 57 од 61 член на екипажот сега се позитивни за коронавирус.

Сите биле тестирани 14 дена пред пловењето, биле негативни и биле во карантин во хотел во градот Ушуаја сè додека не се качиле на бродот.

Само двајца морнари се негативни на вирусот, а резултатите се очекуваат за уште двајца членови на екипажот.