Гутереш: Запрете ги војните, се бориме против вирусот

223

Генералниот секретар на Обединетите нации, Антонио Гутереш, повика на глобален прекин на огнот за да може светот да се фокусира на борбата против пандемијата на коронавирусот.

– Време е да се стави крај на вооружените конфликти и да се фокусираме заедно на вистинската борба за нашите животи – рече Гутереш во видеообраќањето, пренесува Ројтерс.

Тој истакна дека вирусот не бира националност или религија, а во меѓувреме вооружените конфликти беснеат низ светот.

Гутереш предупреди дека здравствените системи во завојуваните земји се распаднати и во нив има малкумина здравствени работници.