Во Шпанија 1.500 нови случаи на коронавирус за 24 часа

175

Шпанските власти соопштија дека во земјата бројот на заразени од коронавирус се искачи на 5.753, од кои скоро 3.000 во Мадрид.

Тоа значи дека за 24 часа бројот на заразени се искачил за 1.500.

Сè уште не се објавени најнови податоци за починати, а до вчера бројката беше 120.

Шпанската влада денеска ќе има состанок за да донесе одлука за воведување вонредна состојба во следните две недели, што ќе ѝ даде на владата вонредни овластувања, меѓу кои и ограничување на слободата на движење на граѓаните.