Бројката на заразени од коронавирус во светот надмина половина милион

130

Повеќе од половина милион случаи на заразени со коронавирус се регистрирани во светот до денеска.

Според Worldometers.com, до објавувањето на овој текст заразени со новиот вирус се 500.542 луѓе во целиот свет.

Досега починале 22.334 лица, а закрепнале 121.214 лица.

Повеќето од случаите и натаму се во Кина, каде што според податоците има вкупно 81.285 заразени.

Следуваат САД, каде што бројката на заразени ја надмина онаа во Италија и изнесува 74.982 пациенти, а овој број се очекува да се зголеми во текот на денот кога ќе бидат објавени податоци за секоја земја одделно.

Во Италија се пријавени 74.386 случаи, но и од оваа земја се очекуваат нови податоци.

Следуваат Шпанија со 56.197 случаи и Германија со 41.519 случаи.