Болница на вода – американски воен брод отплови кон Њујорк

306

Американскиот претседател, Доналд Трамп, денеска ќе ја испрати воената брод-болница на патување во Њујорк за да потенцира дека федералните власти реагираат на епидемијата на коронавирусот.

Воениот брод „Комфорт“, со капацитет од повеќе од над илјада болнички кревети, беше подложен на редовен ремонт кога се добија наредби за итно оспособување да прими пациенти во Њујорк, епицентарот на епидемијата на САД.

– Нема да се гушкам и да се ракувам со луѓето, но ќе им испратам јасна порака на благодарност – рече Трамп говорејќи за воениот тим кој работел на сервисирање на бродот и здравствените работници.

Бродот „Комфорт“ некогаш служеше како нафтен танкер, а потоа се преуреди во пловечки ургентен трауматолошки центар за американски војници повредени за време на борбените операции. Овој брод, стар речиси еден век, има 1.100 медицински работници, 12 операциони сали, одделенија за радиологија и интензивна нега, скенер, лабораторија и аптека, а во минатото бил оперативен и во ситуации слични на сегашноста – за време на Првата светска војна и за време на пандемијата на шпанска треска.