Белгија планира да почне со вакцинација од 5 јануари

58

Белгија планира да почне со вакцинација на 5 јануари доколку се одобри вакцина развиена против коронавирусот. Премиерот Александер де Кро рече дека стратегиите за вакцинација ќе станат јасни за неколку дена.

– Немаме време да губиме. Ќе бидеме подготвени на 5 јануари, како и многу земји – рече тој.

Де Кро очекува Европската агенција за лекови (ЕМА) да ги одобри развиените вакцини. Де Кро рече дека сакаат да вакцинираат што повеќе луѓе штом вакцините се подготвени.

Тој изјави дека ќе биде потребно време за сите да бидат вакцинирани во земја со 11 милиони жители и дека ќе почне кампања за вакцинација со одредени групи. Оваа група вклучува здравствени работници, стари лица и оние со хронични заболувања.