Индија и Пакистан да ги намалат тензиите околу Кашмир, порача американскиот претседател Доналд Трамп кој со индискиот премиер Наредра Моди синоќа телефонски разговараа за повеќе регионални теми, стратешкото партнерство меѓу двете земји и за односите помеѓу Индија и Пакистан. Американскиот претседател претходно разговараше телефонски и со пакистанскиот премиер Имран Кан, во врска со ситуацијата во Кашмир.
Претседателот Трамп во текот на разговорот повика на зачувување на мирот во регионот, соопшти Белата куќа.
– Разговарав со моите двајца добри пријатели. Индискиот премиер Моди и пакистанскиот премиер Кан, во врска со трговијата, стратешките партерства и најважно, за Индија и Пакистан да работат кон намалување на тензиите во Кашмир. Тешка ситуација, но добри разговори – напиша Трамп на Твитер.
Spoke to my two good friends, Prime Minister Modi of India, and Prime Minister Khan of Pakistan, regarding Trade, Strategic Partnerships and, most importantly, for India and Pakistan to work towards reducing tensions in Kashmir. A tough situation, but good conversations!
— Donald J. Trump (@realDonaldTrump) August 19, 2019
Претходно, Индија овој месец донесе одлука за укинување на Членот 370 од индискиот Устав што се однесува на автономниот статус на Џаму и Кашмир, што автоматски доведе до зголемување на тензиите на ова подрачје.
