Уште неколку денови за да се избегне трговска војна

221

САД  имаат само неколку  дена да избегнат трговска војна со своите сојузници и на Вашингтон е да направи потег со цел деескалација на тензиите што се појавија по воведувањето американски царини за увоз на челик и на алуминиум од ЕУ, Канада и Мексико, изјави францускиот министер за  економија Бруно ле Мер.

По состанокот со министрите за финансии на Г7 во местото Вислер во канадската провинција Британска Колумбија, тој изјави дека ЕУ има намера да преземе контрамерки поради новите тарифи на САД.

– Се уште имаме неколку денови да преземеме неопходни чекори да избегнеме трговска војна меѓу ЕУ и САД односно трговска војна меѓу членките на Г7 – изјави Ле Мер.

Тој додаде дека сега „топката е кај САД“  и од американската администрација зависи дали ќе донесе вистински одлуки за да се подобри ситуацијата и да се избегнат проблеми.