Повторно одложено гласањето на Законот за имиграција во американскиот Конгрес

64

Републиканците не можат да обезбедат поддршка во Конгресот за клучната реформа со која би се прекинало спорното раздвојување на семејствата на илегалните мигранти и повторно го одложија гласањето што требаше да се случи денеска.

Гласањето првично требаше да се случи вчера, но беше одложено за денеска, па сега е повторно одложено најмалку до следната недела.

Републиканците имаат мнозинство во Конгресот, но се поделени по прашањето на имиграцијата, а ситуацијата ја заостри раздвојувањето на повеќе од 2.300 деца од нивните родители кои во САД влегле без лични документи.

Судбината на стотици деца без документи одвоени од родителите и натаму е нејасна, иако во средата претседателот Доналд Трамп попушти пред критиките и ја потпиша извршната уредба дека одвојувањето на децата од родителите повеќе нема да се повтори.