Возот на Ким Јонг-ун забележан во летувалиште во Северна Кореја

654

Специјален воз, кој веројатно му припаѓа на лидерот на Северна Кореја, Ким Јонг-ун, е забележан оваа недела во одморалиште во земјата, покажуваат сателитските снимки кои ги прегледал проектот за следење на Северна Кореја, со седиште во Вашингтон, во услови на спротивставени извештаи за здравјето на Јонг-ун, пренесува „Ројтерс“.

Проектот за набудување, „38 Север“, во својот извештај наведува дека возот бил паркиран на станицата Вонсан на 21 и 23 април.

Иако групата соопшти дека е веројатно возот на Ким, Ројтерс не е во можност да го потврди тоа, како ни тоа дали возот бил во Вонсан.

– Присуството на возот не докажува каде се наоѓа севернокорејскиот лидер, како и за неговото здравје, но би требало да им даде голема тежина на извештаите дека Јонг-ун престојува во елитно подрачје на источниот брег на земјата – се вели во извештајот.

Кина испрати тим во Северна Кореја, вклучувајќи медицински експерти за да помогнат во лекувањето на Ким.

Претходно јапонските медиуми пренесоа дека севернокорејскиот лидер е во вегетативна состојба. Други светски медиуми пак наведуваат дури и дека Ким Јонг-ун е починат.

Шпекулациите за здравјето на Ким првично се појавија поради неговото отсуство на годишнината од раѓањето на основачот на таткото на Северна Кореја и дедо на Јонг-ун, Ким Ил-сунг, на 15 април.