Европски награди за банкарство за 2020 година

НЛБ Банка АД Скопје на годинешните Европски награди за банкарство за 2020 година ја доби петтата награда по ред за Најдобра банка во земјата од финансискиот магазин
ЕМЕА.

Европските награди за банкарство веќе тринаесет години ги препознаваат и наградуваат достигнувањата на банките во регионот, а организатор на овие награди е ЕМЕА – реномираниот финансиски магазин чија уредничка визија е да биде „независен глас“ на финансиската заедница.

Критериумите и параметрите врз основа на кои беа доделени овие престижни награди се однесуваат на способноста на банките и финансиските институции да овозможат иновативни производи и услуги, да покажат одлични резултати во инвестициското банкарство, како и способност и капацитет да функционираат како социјално одговорни компании во општеството од кое се дел.

НЛБ Банка успешно се справи со сите предизвици кои беа наметнати минатата година од глобалната пандемија и притоа оствари извонредни финансиски резултати.

Во текот на изминатата година НЛБ Банка ја унапреди својата понуда преку воведување на нови иновативни продукти, како што се брзите плаќања и кредитите преку мобилен телефон и значително го зголеми користењето на дигиталните канали. Исто така ја покажа својата општествена одговорност преку низа донации и спонзорства наменети за подигнување на општото добро, со истовремена безрезервна фокусираност кон своите клиенти со цел поддршка за нивно полесно справување со последиците од кризата. Како резултат на тоа, следеа одлични финансиски резултати, проследени со високо ниво на корисничко задоволство и перцепција на брендот.

НЛБ Банка АД Скопје е дел од НЛБ Групацијата и се вбројува меѓу најпрофитабилните компании во Северна Македонија, што се должи на континуираните продажни активности со особен фокус кај населението, микро, малите и средни претпријатија, засилен финансиски сервис за корпоративните клиенти и на значајните инвестиции во
дигиталните канали. Банката постојано добива признанија за своите резултати и
постигнувања и е континуирано препознаена како најнаградувана банка.