Штрајкот во „Ер Франс“ приземји дел од флотата, откажани 30 отсто од летовите

678

Продолжува штрајкот на вработените во француската авиокомпанија „Ер Франс“, поради што околу 30 отсто од летовите закажани за денеска се откажани.

Синдикатите на „Ер Франс“ бараат зголемување од шест отсто на долгогодишните замрзнати платите. Компанијата нуди зголемување за еден отсто, нагласувајќи дека повеќе од тоа може само да биде штетно за фирмата.

Според податоците на синдикатите, штрајковите веќе ја чинат авиокомпанијата 200 милиони евра.

Се очекува да бидат откажани околу 40 проценти од летовите на компанијата на долги релации и 25 отсто летови на кратки релации на аеродромот Париз-Орли, но ќе бидат погодени и француските региони.