Штрајкови ширум Грција против приватизацијата на електроцентралите

329

Вработените во енергетиката во Грција од синоќа почнаа 48-часовни протести поради најавената приватизација на електроцентрали и јагленокопи во државата.

Според најавите, струјата последователно ќе се запира, а синдикатите уверуваат дека „снабдувањето со електрична енергија во земјата ќе биде без проблеми“.

Од синоќа биле исклучени неколку термоцентрали, а и три блока на електроцентрали на јаглен.

Штрајковите се организираат затоа што оваа недела се очекува грчкиот Парламент по брза постапка да го усвои законот за продажба на електроцентрали и рудници.

Протести денеска се очекуваат во Лерин, северна Грција, како и во реонот на Мегалополи, на полуостровот Пелопонез, во јужниот дел на земјата, каде се наоѓаат електроцентралите кои треба да се продадат.

Продажбите се во рамките на приватизацијата која ја бараат меѓународните кредитори на Грција, со цел либерализација на пазарот на струја.