Трамп уверен дека САД и Кина нема да влезат во трговска војна

1313

Американскиот претседател Доналд Трамп денеска изрази увереност дека Кина ќе ги отстрани трговските бариери и ќе биде постигнат договор меѓу двете земји, за да се избегне трговска војна.

– Кина ќе ги отстрани трговските бариери, затоа што тоа е вистинското решение. Царините ќе станат реципрочни и ќе биде постигнат договор за интелектуалната сопственост. Голема иднина за двете земји – напиша Трамп на Твитер.

Од неговата порака не може да се забележи врз што го темели оптимизмот во врска со трговскиот конфликт со Кина.

Трамп истакнува дека тој и претседателот на Кина, Си Џинпинг секогаш ќе бидат пријатели „без разлика што се случува со спорот во трговијата“.