Тевдовски: Одлична наплатата на приходите и ликвидноста во Буџетот

1258

Во Буџетот на Република Македонија има одлична наплата на приходите, има одлична ликвидност, а настојувањето на Владата е реализација на капиталните расходи.

Ова го посочи министерот за финансии Драган Тевдовски одговорајќи на новинарско прашање дали се подготвува ребаланс на буџетот.

– Секоја година претходно се првеше ребаланс на Буџетот. Нема година кога Македонија не направила ребаланс и во најголем дел се правени заради слаба наплата на приходите. Во моментов имаме одлична наплата на приходи, но секако дека размислуваме како подобро да ги распоределиме средства. Кога ќе имаме подетални информации ќе излеземе во јавноста, изјави Тевдовски.

Тој додаде дека има одлична ликвидност и оти главната битка е да има реализација на капиталните инвестиции.

– Во моментов нашите настојувања, но практично правиме и притисок врз сите да ги реализираат капиталните инвестиции, бидејќи приходите ни се соодветно на проекциите. Апсолутно имаме одлична ликвидност и главната битка е да имаме реализација на капиталните инвестиции, истакна министерот за финансии и додаде дека се договараат и нови инвестиции како со ЕБРД кои ќе и дадат можност на екномијата да оди напред.