Спејс Икс отпушта 10 отсто од вработените

118

Kомпанијата на Елон Маск, Спејс Икс (Space X) соопшти дека отпушта 10 отсто од вработените односно околу 6.000 луѓе поради потребата да се намали работната сила.

– Тоа беше многу тешка одлука – се вели во е-маил што на вработените им го упати претседателката на компанијата Гвејн Шотвел известувајќи ги за отказите.

Во пораката таа нагласува дека компанијата на отпуштените работници ќе им обезбеди двомесечни плати и други социјални давачки, објави Лос Анџелес Тајмс.

– За да продолжи да задоволува потреби на свои клиенти и успешно да развива вселенски бродови и глобален интернет базиран во вселената, компанијата Спејс Иск мора да го намали бројот на вработени – објаснува Шотвел во писмото до вработените. Весникот додава дека таа компанија и претходно повремено намалувала број на вработени.