Со осум компании завршени се преговорите за инвестирање

1183

Осум странски компании имаат донесено одлука за инвестирање во Македонија и се чека потврдата од матичните компании за да се потпишат договорите.

Ова го најави премиерот Зоран Заев во интервју за Радио Слободна Европа.

– За 10 месеци потпишавме 10 договори со странски инвеститори, а дополнителни осум компании донесоа одлука преговарачките тимови за инвестирање во Македонија и ја чекаат потврдата од матичните компании  да ги овластат за да ги потпишеме. Преговараме со 200 компании. И веројатно тоа не е само наш успех, тоа е нешто што почнала и претходната Влада, но ние тоа го надоградивме и тоа растеж – истакнува Заев во интервјуто.

Во него изразува надеж дека проектираниот раст од 3,2 проценти е достижен доколку се реализираат 65 до 70 проценти од најавените капитални инвестиции.