Светска банка предвидува пораст од 2,9 отсто за оваа година

100

Македонија минатата година забележа економски пораст од 2,5 отсто, а во 2019 година ќе достигне 2,9 отсто, објави Светска банка во јануарскиот Глобален економски извештај.

За 2020 година Светска банка предвидува пораст на македонскиот БДП од 3,2 отсто, а во 2021 година од 3,3 проценти.

Проекциите на банката за Македонија се коригирани во нагорна линија за 0,2 отсто и за лани, и во 2019, 2020 и 2021 година.

Во извештајот на Светска банка се наведува дека економскиот пораст забележан во изминатата година по изборот на новата влада придонесе за ставање крај на политичката криза и подобрување на инвестициската клима во земјата.

Во регионот на Југоисточна Европа највисок пораст годинава и во 2020 година ќе забележи Косово од 4,5 отсто. Србија годинава ќе има пораст од 3,5, а следната од 4 отсто, Албанија од 3,6 и 3,2, Босна и Херцеговина од 3,4 и 3,9 отсто, Бугарија од 3,1 и 3 отсто, Хрватска од 2,8 отсто и во 2019 и во 2020 година, а Црна Гора од 2,8 и 2,5 отсто.

Светска банка предвидува дека глобалната економија годинава да забележи пораст од 2,9 отсто, а во 2020-та од 2,8 проценти.