Реконструкција на патот до Делчево преку Бигла

142
Поради изведување градежни работи, од први октомври, сообраќајот на регионалниот пат од Виница преку село Бигла до Делчево ќе биде во прекин. Причината за ваквата измена на сообраќајниот режим е реконструкцијата на дел од патната мрежа низ селата Драгобраште и Трсино.
 
Додека траат градежните работи, сообраќајот ќе биде пренасочен и ќе се одвива по алтернативни улици и правци, велат од АМСМ.
 
Досега со реконструкција на патниот правец од Делчево преку село Бигла до Виница се асфалтирани околу 2,5 километри од делчевска страна на патот, а во тек се градежните работи за асфалтирање на делот кој потпаѓа под општина Виница.