НЛБ со нов начин на плаќање

71

НЛБ банка ја промовираше новата услуга НЛБ пеј мобилен паричник, која овозможува бесконтактно плаќање на продажните места преку мобилен телефон. Станува збор за современа дигитална услуга, која е лесна за користење и овозможува брзи и едноставни плаќања.

Како што посочија од банката, со воведувањето на оваа услуга продолжуваат да ги следат светските трендови на поедноставување и приближување на банкарските услуги кон своите клиенти.

– Мобилните банкарски услуги со својата достапност, едноставност, брзина и безбедност при користењето, на клиентите им овозможуваат заштеда на време и средства, и им даваат можност да ги завршат своите банкарски обврски во текот на 24 часа во денот, седум дена во неделата. НЛБ пеј е услуга наменета за физички лица, корисници на платежните картички Мастеркард, кои поседуваат мобилен уред со оперативен систем Андроид. НЛБ пеј мобилниот паричник ги дигитализира картичките Мастеркард и со тоа овозможува плаќање на бесконтактни ПОС-терминали во земјата и во странство – наведуваат од банката.