„Вози право, вози здраво“ по петти пат низ улиците на Скопје

943

Оваа сабота ќе се одржува петтото издание на општествено одговорниот настан на Стопанска банка АД – Скопје „Вози право, вози здраво“. Затоа, во периодот од 18 до 19 часот, повторно ќе бидат обединети љубителите на тркала на ревијална трка по улиците во центарот на Скопје, со цел подигнување на свеста за позитивните ефекти од користењето на овие чисти транспортни средства. 

На ревијалната трка учество ќе земат над 7.000 наши сограѓани кои се регистрирани во една од категориите: велосипеди, детска трка, ролерки/тротинет/скирол или родители со бебе количка.

Со цел обезбедување на максимална заштита на учесниците, согласно законските прописи во сабота, на 08.06.2019 од 18 до 19 часот ќе биде воспоставен посебен сообраќаен режим долж патеката за ревијалната трка во центарот на Скопје (од Борис Трајковски до Градски парк преку булеварот Илинденска).

Мапата на патеката е дадена во прилог а сообраќајните знаци и претставници на сообраќајната полиција ќе го пренасочуваат сообраќајот согласно изработениот проект.

На сите учесници во сообраќајот им благодариме за разбирањето, поддршката и трпението.