Аматерско друштво ФК Работнички

Останати вести

За да не останат непродадени билети, Работнички дозволи купување и 50 билети од еден човек, па сега Скопје врие од тапкароши, втор кикс е тоа што на билетите е испечатено британско наместо англиско знаме, а капак на сé беше прес-конференцијата одржана во маалско кафеанче

Работнички очигледно има многу посилни фудбалери и стручен штаб отколку луѓе што го раководат овој клуб, зашто гостувањето на Ливерпул во Скопје откри низа слабости и аматеризам во управата на клубот што е најдобар македонски претставник во еврокуповите во последните неколку сезони. Но очигледно залакот наречен Ливерпул, претседателот Драган Поповски и спортскиот директор Игор Ангеловски не ни можеа да го преџвакаат, камоли да го голтнат.

Неверојатен пропуст направи раководството на Работнички со пуштањето во продажба на влезниците без ограничување, па дозволија во првите неколку часа еден човек да може да купи и 50 влезници, за потоа да се свестат кога сé беше доцна и кога ѓаволот ја однесе шегата. Плашејќи се дека нема да го наполнат стадионот, битно им беше само да ги продадат влезниците, без нималку предострожност за евентуални последици. Резултатот е: Скопје од вчера врие од препродавачи на билети, цената се движи од 800 до 1.500 денари, па дури јавно на огласниците на Интернет, но и на социјалната мрежа Фејсбук има влезници што се нудат по цена неколкукратно повисока. Сето ова стана можно откако Работнички не се заштити од појава на тапкарошите и не побара легитимирање на секој што ќе купи билет и ограничување на максимум два билети за еден навивач. Така, „милион“ луѓе останаа без билети по нормална цена, но затоа во клубот триеја раце дека стадионот е распродаден за 24 часа.

Втор невиден лапсус на управата е ставот на клубот дека новинарите од Англија имаат приоритет и дека максимално ќе биде ограничено местото за претставниците на медиумите од Македонија. Чиниш, клубот егзистира во Англија, а не во Македонија. Спортскиот директор Ангеловски за ова се повика на УЕФА, која, патем речено, воопшто не се меша во ставот на клубот за тоа на колку гостински новинари ќе им дозволи акредитирање. Веројатно не знаеле од Работнички дека македонските новинари знаат да погледнат малку подалеку од нивното Дебар Маало. На крајот на краиштата, сите ние новинарите утре на стадионот ќе бидеме во функција само на Работнички и на Македонија...

Трет пропуст е утката со знамето на земјата од која доаѓа Англија. На билетите до името на Ливерпул, наместо англиско, стои британско знаме, кое нема врска со клубот. Никаде во светот, освен сега во Македонија, англиските клубови не се поистоветуваат со знамето на Обединетото Кралство.

И за сето ова да биде смешно на крајот, прес-конференцијата на Работнички, за која навистина има УЕФА-правила како треба да изгледа и каде треба да се закаже, вчера беше одржана во маалско кафеанче, со десетина столчиња за седење и уште неколку за потпирање до шанкот. Преостанатите, а имаше и од Англија и од соседните земји, стоеја и не веруваа што гледаат.

Во планот што директорот Ангеловски го најави за наредните пет години, клубот треба најмногу да поведе сметка за организацијата на натпреварите, зашто фудбалерите очигледно им „побегнале“ со светлосни години.

Автор: Златко Крстевски

Веста е прочитана: Оценка:

Оставете коментар

Правила за објавување на коментарите

Maкедонски
Срам е вистина, ама кога ќе размислиш дека дебитираме, дека сме нови, припрости и неискусни , ај за прв пат може и да ни се прости. Ама навистина за овие гафови треба гласно да се проговори , па да се плати и некоја казна доколку има место за истата, да се исмејат сите одговорни за нивните грешки, па за во иднина да ни остане само искуството кое ќе можеме да го примениме за да се прикажеме достојно!

febo
Pusta alcnost za pari ...... a kako ne utnaa pa ne go stavija znameto so sonceto od Kutles,ke bese interesna reakcijata na juzniov sosed

Одличен коментар
Браво за новинарот Златко Крстевски. Ова е вистински новинар, со анализа, аргументирано, а не за некои ситни интереси да пишува текстови. Мислам дека она што ги пишува во текстот е она што го мислат најголемиот дел граѓани. Еве за знамето, ми упадна во очи една секунда откако ја купив картата. Фудбалот е можеби единствен спорт каде Англија не е Велика Британија и они успеаа да направат глупост. Катастрофа е таква грешка!

Metz
@RICI Rabotnichki ne go donese Liverpool tuka, UEFA so zzdrepka go dodeli na pobednikot od duelot shto go imashe Rabotnichki so MIKA. Vtoro, ima pravo avtorot, ali ova ti e makedonska realnost, site se alchni za profit, bez dobri menadzment sposobnosti. I nema vrska dali da se brani Rabotnichki ili ne, ili da ne se objavuva ova sega, a koga? Daj ne tresete zeleni, ako sakame da sme asalna drzzava, izgleda narodot kje treba da go menime vo razmilsuvanjeto i da razmilsuva barem kako shto se razmisluva vo 21 vek, a ne vo tursko!

Carot
da da... Nekoj se osudil da kaze deka carot vi e gol i odma udrete... Cel fudbal e haos i amateri vladeat, tuka vi gi napisale greskite poradi koi vo evropa se gubat licenci a vam vi e dovolno samo toa sto C timot na liverpool vi dosol u Skopje.. Bravo za statijata, se e tocno 100 otsto!

momak
Fudbalerite na Rabotnicki go donesoa Liverpul vo Skopje, ama zosto treba da se prekjuti ako Upravata napravila nekoi propusti? Vakva li demokratija sakame, kjutejki? Sloboda na govorot so zatvorena usta? Dobro, mozebi ne se kojznae kolkavi propustite, no se sto e napisano vo tekstot drzi! Nitu trebase da se prodavaat kartite stihijno, nitu britanskoto zname da stoi do Liverpul, nitu stranskite novinari da imaat prednost za mesta samo zatoa sto doagjaat so golem klub. Iako cinizmot vo statijava e preprisuten i totalno nepotreben, sepak vo sustina taa e kritika sto moze i treba da se sfati dobronamerno.

Kire
Текстот е на место, и се е точно како што е напишано. Се знае кај треба да се прави ПРЕС конференција и како, како треба да се акредитираат новинарите, и уште ред други работи. Значи клубот организациски треба уште многу да учи како треба да се однесува со новинарите, ако не знаат како нека побараат помош. Инаку секоја чест на фудбалерите и тренерот.

RICI
Toa ti e makedonskoto novinarstvo, sekoj moze da zeme penkalo vo raka i plukajki da si gi iskaze frustraciite, i kompleksite svoi. BRUKA ALOOOOO RABOTNICKI GO DONESE LIVERPOOL VO SKOPJE< NE BARAJ VLAKNA VO JAJCETO

Романтичар
Чуму ваков коментар новинаре, македонска работа, самоуништување...срамота А можеби причината е што не доби гратис карти за фамилијата!?

коко
Ajde be Zlatko i ti ne ja DRVI rabotava!? Tipicno makedonska rabota i makedonski sindrom, se nesto necini, samo kritikuvaj, samo plukaj.... Daj malce pozitivizam i vedrina... AMAN...

goce
Ova sto go pisuvate e dobro i treba da se kaze. Ako sakavte ova da bide vo funkcija na Rabotnicki i Makedonija, ke go napisevte posle natrevarot a ne sega.