Што е бесплатно кај матичниот лекар?

Останати вести

Пациентите не знаат какви сé бесплатни прегледи треба да добијат од својот матичен лекар, а некои од нив воопшто не се ни јавуваат на писмените покани за преглед, со кои се следи здравјето на пациентите и се настојува тоа превентивно да се одржува

Освен кога сте болни и сами се јавувате кај матичниот лекар, тој треба да ве повикува и кога сте здрави за да ви направи бесплатни превентивни прегледи. Овие прегледи се задолжителна обврска за лекарите, преку која тие треба да откријат дали постои ризик да заболите од тешка болест, дали веќе сте болни, а сé уште не знаете или да процени какви се можностите за заболување, пред сé од кардиоваскуларни болести. Пациентите не знаат какви сé бесплатни прегледи треба да добијат од својот матичен лекар, а некои од нив воопшто и не се јавуваат на писмените покани за преглед.

- Често „се молиме“ со пациентите да направат ЕКГ-тест или да им ги измериме тежината и висината, да направиме крвна анализа за да определиме ризик од кардиоваскуларни заболувања. Пациентите се согласуваат на вакви прегледи, главно, кога се болни. Кога ќе им пратиме писмена покана имаме оправдување пред Фондот, нас тоа ни се смета како сработено, но поентата е тие да бидат прегледани. Прегледите се особено проблематични во летните месеци - вели матичен лекар.

Матичните лекари во текот на една година треба да направат превентивни прегледи речиси кај половина од пациентите што ги водат. Податоците за прегледите треба да бидат сместени во здравствените картони на секој пациент. Од крајот на годинава матичните лекари овие податоци ќе ги пријавуваат и во Институтот за јавно здравје, кој ќе треба статистички да ги обработува.

Кај децата до шест години матичниот лекар или педијатар задолжително мора да направи неколку превентивни прегледи.

- Лекарот мора да направи систематски преглед на бебето кога тоа ќе наполни 30 дена. Со него се определуваат висината, тежината, работата на срцето, состојбата на кожата, а треба да се дадат и совети за широко повивање и за исхрана. На овој преглед лекарот треба да го упати родителот кај клинички лекар за да ги испита колковите на бебето - објаснува д-р Ана Петрова, раководител на одделот за контрола на Фондот за здравство.

Кога бебето ќе наполни 12 месеци, матичниот лекар преку крвен тест треба да определи евентуална анемија, а на возраст од 1 до 3 години треба да провери дали боледува од астма.

Анемија и преухранетост лекарите треба да испитуваат и кај деца до 18 години.

- Анемијата се проверува на секои четири години. А во текот на 11-та и на 13-та година треба да откријат дали децата имаат деформитети на ‘рбетниот столб - вели д-р Петрова.

За жените постари од 18 години лекарите треба да го пресметаат ризикот од добивање рак на дојка, а кај мажите постари од 45 години ризикот за рак на простата.

- За осигурениците од 25 до 65 години се пресметува ризик од кардиоваскуларни заболувања. Овие тестови за ризик од срцеви болести се направени по британски теркови. Преку нив лекарите проценуваат колкав е ризикот кај пациентите, па доколку е потребно ги упатуваат кај кардиолог. За да се пресмета ризик треба да се направат крвни испитувања, ЕКГ, неколку мерења - додава нашата соговорничка.

Лажеле и фалсификувале дека ги прегледуваат пациентите

За да земат повеќе пари од Фондот за здравство, некои од матичните лекари фалсификувале потписи на пациентите и сами ги пополнувале формуларите за превентивни прегледи, без преглед. Во зависност од тоа дали ќе ги исполнат целите, во кои спаѓаат и превентивните прегледи, матичните гинеколози добиваат седум проценти од парите што како надомест им се исплатуваат од Фондот.

- Мојата матична лекарка без мое знаење и дозвола се дрзнала да пополни формулар, со кој потврдува дека ми извршила редовен годишен преглед на дојки, иако тоа не се случи. Страшно беше што лекарката запишала дека не спаѓам во ризична група за рак на дојка, што не е точно бидејќи во семејството имаме историја на таа болест. Откако ја прашав зошто го направила тоа, објаснувањето беше дека не се работи за ништо страшно и дека тоа го сторила со сите полнолетни пациентки, бидејќи немала време да нé прегледа сите - вели К.Н. од Скопје.

Од Фондот за здравство велат дека се случуваат фалсификувања, но дека тие не се многу чести.

- Пациентите треба да знаат дека треба да се потпишат на образецот за превентивен преглед. Ние ги споредуваме потписите на пациентите и тие треба да се совпаѓаат - вели д-р Петрова.

До 6 години
преглед	возраст
систематски	до 30 дена
анемија	до 12 месеци
астма	од 1 до 3 години
дебелина	до 6 години
рамно стапало	на 2 и на 4 години

Од 6 до 18 години
преглед	возраст
анемија	на секои 4 години
деформитет на ‘рбет	на 11 и 13 години
дебелина	редовно

По 18 години
преглед	возраст
ризик за рак на дојка	на секои 4 години
ризик за рак на простата	мажи постар од 45 години на секои 4 години
ризик од срцеви болести	25 до 65 години

Автор: Наташа Бошковска

Веста е прочитана: Оценка:

Оставете коментар

Правила за објавување на коментарите

Dr.Coci
Od sto ima mnogu da se kaze po ova prasanje jas nema da komentiram voopsto. Ke ostavam na tisinata da ja kazuva vistinata!

majka bez pari
Moze li nekoj da mi odgovori zosto mi naplakaat 350 denari pri sekoj maticen ginekoloski pregled. A vo drugi gradovi 150 denari. Inaku sum od Stip,

Stef
Македонија уште не е доволно развиена за државен фонд. Се работи за еволуција на свеста. Нема да има власт која ќе може добро да го менаџира овој систем во Македонија во следните 50 години. Во Америка има приватен целосно дерегулиран систем тој не е ОК. Обама го менува тоа. Приватен Регулиран функционира најдобро во земји како МК. ФЗО е катастрофа инвестира во глупости приватни фирми на дирекорите. Касни со плаќањето на докторите со месеци. Никој не го спасил ФЗО 20 години и никој нема да го спаси. ФЗО е тесното грло и треба да се елиминира.

Ivan
Стеф, многу ти е паметен предлогот за приватизација на фодот. Сакаш да бидеме како Америка, каде што луѓето плаќаат цело богатство за задравствено осигурување, а една петтина немаат никакво осигурување? Има многу примери на државни фондови во Европа кои одлично функционираат. Проблемот е во менаџментот и во немањето на независност во работата.

Aleksandra
Da, gi molat pacientite da napravat EKG.. Dali znaat pacientite deka EKG treba da e besplatno kaj maticen doktor? A dali znae FZO deka 90% od privatnite ordinacii naplakjaat za EKG na svoite maticni pacienti.. od 150-450den? Neka se zasilat malku kontrolite

Liljana
Pa koja normalena i zdrava osoba saka da . se mesa so zaboleni lica. Zamislete zdravi doencinja ili zdravi vozrasni osobi da se izlozuvaat na rizik od bolest. Site cekaat vo ista cekalna., edni za bolest a drgi za sistematski pregled za da navodno se oceni rizikot od nivni mozni zaboluvanja. Dali se primenuvaat normite i standardite predvideni od strana na UNICEF i Svetska Zdravstvena Organizacija koi nekogas se primenuvaat a sega se zaboravija .. .

Stef
Aj да бидеме објективни... Ако лекарот те испрати на превенивен преглед а тебе не ти се оди и чекаш ред и да се смрдиш по чекалните а, ништо не ти фали според тебе. Кој е крив пациентот, лекарот или системот? Знаете како е решено ова во З.Европа. имаш приватен фонд за осигурување и ако не одиш на систематски преглед ти ја зголемуваат премијата за осигурување. Укинете го ФЗО и приватизиарајте се.