РЕАКЦИИ ПО ОДЛУКАТА НА БРИСЕЛ: Власта - супер сме, опозицијата - назадуваме

Останати вести

Откако Советот за стабилизација и асоцијација одјави дека има забавување на реформите, но оти сега е момент да се продолжи понатаму со реализацијата на европските стандарди, сите во земјава се согласија само за едно - дека не постои механизам, со кој би се поништила минатогодишната препорака за преговори

По констатацијата на Советот за стабилизација и асоцијација дека годинава имало забавување на реформите во Македонија и дека е вистински момент земјата да продолжи со остварувањето на европските стандарди, власта гласно го нотира сработеното, а опозицијата бара поинтензивни ангажмани. Сите се согласуваат само во едно - дека не може да се поништи препораката за преговори.

- Македонија од Брисел доби многу позитивни мислења и неколку помалку позитивни, но преовладуваат позитивните коментари и позитивните оцени за сработеното. Охрабрени сме и ова го гледаме како вреднување на нашиот труд и на сите што беа вклучени во досегашните реформи и модернизација - изјави премиерот Никола Груевски.

Груевски најавува дека ќе се работи на подобрување на слабостите.

- Оцената од Брисел на некој начин е негација на она што опозицијата цело време го тврдеше. Оптимист сум и оваа година ќе добиеме позитивен извештај од Европската комисија - смета премиерот.

И овој пат тој укажа дека одредувањето датум за почнување на пристапните преговори со ЕУ не зависи само од реформите и модернизацијата на Македонија, туку и од Грција, од која, како што рече, во овој момент нема ништо ново.

Владиниот партнер на ВМРО-ДПМНЕ, ДУИ, укажува дека постојат области во кои динамиката на реализација требало да биде подобра.

- Можеби нема да ни биде сеедно, но од Брисел ни порачаа дека некои состојби за земја со препорака за почнување преговори не се својствени - изјави Џевад Адеми од ДУИ.

Опозицијата смета дека Македонија пет години тапка во место во однос на евроинтеграциите.

- Виновник за тоа е актуелната власт со нејзините погрешни и неодговорни политики - вели Андреј Петров од СДСМ.

Малку самокритичност е видлива и кај опозицијата.

- СДСМ го презема својот дел од одговорноста за состојбата со политичкиот дијалог. Сепак, сите релевантни фактори многу добро знаат кој не ги почитува нивните препораки, кој го донесе деловникот без консензус и кој не сака во Собранието да се воспостави соодветен механизам за контрола на трошењето на народните пари - изјави Петров.

За либералдемократот Андреј Жерновски, констатациите на Советот практично ја прават рамката на извештајот за напредокот за годинава што ќе биде претставен наесен.

- Штом минатогодишната препорака не се преточува во следната фаза, а тоа е определување датум за преговори, значи дека напредок нема или дека се назадува. Како и да е, препораката за преговори останува. Нема механизам што може да ја поништи - вели Жерновски.

Поранешниот министер за надворешни работи Слободан Чашуле е категоричен дека нема механизам што би можел да ја доведе во прашање констатацијата запишана во извештајот за напредокот на земјава од минатата година.

- Без оглед на тоа кој какви аспирации има кон власта, а врз основа на нашата желба да станеме членка на ЕУ, не постои механизам со кој може да биде повлечена, оспорена или поништена нашата кандидатура - вели Чашуле во изјавата за програмата на македонски јазик на радиото Дојче веле.

Автор: Слаѓана Димишкова

Веста е прочитана: Оценка:

Оставете коментар

Правила за објавување на коментарите

забеган.
Власта супер сме е како да несте ви паднало од обични Арпалчина станавте господа.Кога сељо од опинци ќе акне кондури супер муе.Ако немаше будали да ве гласат неќе знаевте што е костимче.Ќе ги глеавте по излози,Удрете сега муе мајката Стрижете има уште овци.Ама еден ден голи ќе шетате.

R S prespanceto
Gruevski ne e vo korist na E U Gospodino gruevski e vo korist na Makedonija i Makedonskiot Narod Gruevski raboti za Makedonija ane za Brisel toa e jasno sve dobro shto se raboti od ova Vlada za apozicijata e losho toa e Ochgledno. Site znaeme deka E U i NATO ne pritisnuvat za menuvanje na imeto pa dane primat vo ovie Fashistichki konstitu ci izgleda SDSM go sakae toa pa damugo tovarat na Gruevski nema mesto za dodavki na imeto toa danibide jasno Gruevski raboti za Makedonija ane za Grcija kako nekoj shtose plateni od Grchkite Miljardi dolari kako Chitatel so negovite komentari se protiv Makedonizmot a go brani Grkomanizmot so lazovnite Grchki mithologi drzava kreatirana vo 1830ta godina bez jasik i pismo toa site go znat a Chitatelot nego znae. A nie so vekovi sme i postojme vo ovie prostori so istiot nash Makedonski jazik shto go zboruvat preku 500miljoni narod ako ne poveke ane praenite Grci od 1830 godina.Patrebalo dagi podkrepuvame Grchishtata oti bile po stari na ovie prostori BOLSHET.Grchki Lagi.

Dedo Boris - Bitola
Arno ama , MAKEDONIJA samo da go povleche baranjeto , za vlez vo "edemskata gradina", na site kje im stane jasno , kolkavi se demokratskite nameri , vo toj prostor.Vprochem,aftorkata so drugata svoja statija toa , go ilustrira.Koj saka da go vidi , vo vistnskata svetlina. Za imeto,nema mesto za diskusija, ama bash so nikogo!

BLAZO0870
Gruevski raboti za MAKEDONIJA , a ne za BRISEL ,BELGRAD , I ne vladee DESPOTSKI.. a na nekoj sto ne mu Se po kejf izjavite od Brisel,ZALAM , SOBERETE POTPISI I SMENETE GI..SE DODEKA ZAPAD VIKA , vladata neslusa , se dotogas ke bide dobro i znaci deka nekoj raboti za interesite na MAKEDONECOT(etnicki Makedonec)SETETE SE EVROPA-BRISEL, KOGA GI FALEA ONIE SO RUZANA , KAKO POMINAA NA IZBORI ,,

b
нема мозност да ни се одземе статусот? СУПЕР!!! Но со ваква власт, остануваме само вечни кандидати!

Gruevski vo korist na EU
Tolku e ochigledno zoshto EU ne ja kritikuva vladata! Kako ke ja kritikuva koga Gruevski so svoeto despotsko odnesuvanje samo pravi usluga na Brisel vo negovata namera, da nema povekje proshiruvanje! A, nashive so odnesuvanjeto samo pridonesuvaat vo toa. Znachi, na Brisel mu odgovara vladata shto ponedemokratski da vladee