Ако не живеев, барем да умрам како Македонец

Останати вести

Стојан Георгиев од Петрич со солзи раскажува за премрежињата што ги преживеал за Македонија. Пеце Бенишев од Леринско го одржува жив огнот на македонштината што Грција со сите сили се обидува да го згасне. Стариот мајстор Трајко од Пустец го врежува македонското сонце на своите ремек-дела од камен. Секој од нив има посебна судбина. Нивните три судбини заедно ја раскажуваат големата македонска приказна

Спорот со името меѓу Македонија и Грција не е проблем само во кабинетите на политичарите во Брисел, Букурешт и во Њујорк. Фати 19-та година како проблемот со името и идентитетот се прекршува врз грбот на Македонците во Бугарија и во Грција. Тие луѓе, кои лежеле по затвори, кои биле бркани од работа затоа што јавно ги кажуваат националните чувства, на кои им биле одземени пасошите, чии семејства и денес страдаат поради нивната упорност да се спротивстават на асимилацијата и на туѓата пропаганда многу повеќе знаат што значи зборот Македонија од тие што се препукуваат за неа на предизборните митинзи во Скопје, Атина или во Софија.

Стојан Георгиев од Петрич одлежа осум години во бугарските затвори затоа што јавно кажува дека е Македонец. Пеце Бенишев од Леринско оди од битка во битка против Грција во судовите во Атина и во Стразбур за да добие право да се вика така како што се вика. Мајстор Трајко од Пустец, Мала Преспа, на чешмите што ги прави од камен втиснува жолто сонце - тоа е неговиот начин да ја одржи врската со Македонија.

Стојан, Пеце и Трајко ги раскажуваат своите приказни како парадигма на животот на Македонците преку граница. Сите притисоци врз нив, замките што низ годините им ги поставуваат државните системи на соседните држави и дводецениското вртење во круг во спорот за името не ја згаснаа надежта дека некогаш ќе се изборат за своите права. Овие луѓе секој посебно, но со иста мисла во срцата, одат по светот и ја раскажуваат македонската вистина. Така ги бранат и името, и јазикот, и идентитетот. Очекуваат дека Македонија ќе влезе во ЕУ и оттаму како рамноправна држава ќе може да ги штити правата на македонското малцинство во соседните држави.

Пеце против Петрос

Петрос Васиљадис наспроти Пеце Бенишев - едниот е Грк, другиот е Македонец. Две имиња и презимиња, но Петрос и Пеце не се двајца луѓе. Тоа е еден ист човек, поделен на две од грчкиот државен систем, кој им стави грчки имиња на Македонците и со сите механизми на власта ги спречува да се изјаснат како Македонци што зборуваат македонски јазик и имаат држава Република Македонија.

Бенишев три години бара Грција да му го врати македонското име. Процесот сега е во главниот административен суд во Атина. Судиите за шест месеци треба да решат дали ќе му го одобрат барањето. Ако судот се изјасни негативно, следна адреса е судот за човекови права во Стразбур.

- Тешко е да си Македонец во Грција. Живееме во многу националистичко општество, кое со сите сили работи на тоа да се заборави македонското прашање. Сепак, гори еден пламен, кој грчките власти не успеаја да го изгаснат. Се надеваме дека од борбата што ја водиме ќе излеземе како победници - вели Бенишев.

Презимето на неговото семејство било сменето во 1936 година, осум години откако Грција почна да ги менува македонските имиња и топоними. Тогаш и Горно Врбени, селото на Пеце, преку ноќ стана Ксино Меро (Кисела Вода). Думкалови станаа Думкос, Тачеви сега се Јоанидис, а Попови се презиваат Папас.

Апсурдите се редат, раскажуваат жителите на Леринско. Од двајца братучеди, едниот се изјаснува како Македонец, другиот како Грк. Слободан Манѕов (на грчки Лефтерис Манѕас) има две ќерки. Постарата учи македонски јазик и сака да го зборува. Помалата, која повеќе се дружи со Грци отколку со Македонци, одбива да зборува македонски оти наставниците и рекле дека тоа е „ѓупски јазик“.

- Старите сé уште се плашат, а младите се срамат да зборуваат на мајчин јазик. Стравот ќе помине, но што правиме со срамот? Тоа е многу пострашно - вели Слободан.

Горно Врбени има околу 1.500 жители. Сите се Македонци. Но во единственото училиште во селото никогаш не се прозборе ниту се напиша еден збор на македонски. Нема кој од селаните не ја знае приказната за училиштето. Велат, го изградија наши мајстори, од славното битолско село Смилево, во 1903 година. Изградбата завршила во 1908-та, пред на тие простори да дојдат Грците. Било запалено, па реновирано во 1912 година. Учениците учат на грчки.

-Врз нас нема отворени притисоци, но цел државен апарат е впрегнат за да се спречи тука да се развива македонштината. Ако Грција поинаку ги употребеше тие пари што ги даде за пропаганда во училиштата и медиумите за да ги асимилира Македонците, сега немаше да биде погодена од економската криза - коментираат жителите на Горно Врбени.

Строгиот грчки режим особено се засили во периодот од 1936 до 1940 година. Старците уште се плашат јавно да зборуваат за тортурите вршени врз нив. Дури и тие што биле осудени на смрт, а некако успеале да ги преживеат затворите, на прашањата за минатите времиња одговараат со три збора: „Не се сеќавам“.

- Жива е пропагандата, но живи се и приказните на бабите и дедовците што се пренесуваат од колено на колено. Ако успееме да го внесеме македонскиот јазик во системот на образование во Грција, тука ќе се појават многу Македонци што сега ги кријат националните чувства. За нас најдобро е Македонија да зајакне економски, да влезе во ЕУ, за да може таму да се бори за правата на македонското малцинство во Северна Грција. Тоа е клучот да се преобрати населението - вели Бенишев.

Партијата на Македонците во Грција, Виножито, точно 20 години води спор против Грција, која одбива да го регистрира здружението на граѓани „Дом на македонската култура“. Процесот е почнат во далечната 1989 година. Епилог нема.

- Тоа покажува колку грчката администрација е упорна и истрајна во намерата да ги сотре Македонците од Лерин. Притисоците од минатите времиња не се намалија. Само ја сменија формата. Грција успеа многу да направи, но не успеа сто отсто да ги асимилира Македонците - вели Бенишев.

Во официјалните државни документи, Македонците се Грци. Кога се прави попис на населението, воопшто не се прашува за националноста или за јазикот. Има графа само за државјанство. Тоа, секако, е грчко.

Партијата „Виножито“ е регистрирана во главниот суд во 1995 година, само заради тоа што беше член на група со исто име во Европскиот парламент (групата сега се вика Европска слободна алијанса - ЕФА). Притоа судот во Атина направи преседан. По реакција на европските институции, судиите се состанаа двапати во иста недела. За седум дена ја одбија, па ја одобрија регистрацијата на Виножито.

Европа ги затвора очите пред кршењето на правата на македонското малцинство во Грција.

Македонско државјанство за спокој на душата

Да ја издаде втората книга под наслов „Живот посветен на Македонија“. Македонските власти да му дадат македонско државјанство за да не умре како Бугарин. Ова се двете најголеми желби на 70-годишниот Стојан Георгиев од Петрич, прв претседател на ОМО Илинден, еден од најистурените борци за правата на македонското малцинство во Бугарија. Во книгата сака да ги раскаже сите премрежиња што ги преживеал за македонската кауза. Државјанството му треба за да има спокој на душата.

- Цел живот се борам за Македонија. Ако не живеев, барем да умрам како Македонец - вели Стојан.
Тој поднел барање за државјанство пред десетина години, но не добил повратен одговор. Претпоставува дека документите не стигнале на вистинска адреса.

Солзите му се побрзи од зборовите додека во кафеаната на неговиот пријател Илија Велев, под сликите на Јане, Гоце, на Александар Турунџе, го отвора својот живот.

- Двапати лежев во затвор. Вкупно, осум години во занданите во Софија и во Нова Загора. Ме ставаа заедно со осудениците на смрт. Тешко е да живееш во Бугарија и да кажуваш дека си Македонец - раскажува тој.

Стојан ја продолжил традицијата на неговото револуционерно семејство. Дедо му учествувал во Илинденското востание. Другиот дедо бил убиен во 1912 година. Стојан првпат влегол во конфликт со бугарските власти уште како гимназијалец. Го фатиле откако сплотил 60 Македонци за идејата да се обединат трите дела на Македонија. Бил осуден за формирање нелегална организација. Од затвор излегол во 1961 година. Продолжил да се бори за правата на македонското малцинство во Бугарија. Во 1990-та тргнал од село до село во Пиринска Македонија за да направи разграноци на ОМО Илинден. Патешествието траело 15 месеци. Деведесет ноќи спиел надвор од дома. Партијата е основана на 14 април 1990 година во Сандански.

- Толку разграноци на партија пред мене направил само Гоце Делчев. Тој успех не го повтори никој по мене - вели Георгиев.

Поради неговата активност, многупати бил отпуштан од работа. Попатно, следувале и испитувања во полиција и притисоци од најразличен вид. Бугарските власти му го одзеле пасошот. Сепак, успеал да стигне на многу меѓународни средби на кои го брани правото на Македонците да се стекнат со своите национални права.

- Таква ми била судбината, да го ширам македонското дело. Верувам во тоа што го правиме. Уште еднаш да се родам, пак ќе се борам за Македонија. Јас го гледам обединувањето на Македонија во рамките на Европската Унија и на Балканот без граници - вели Георгиев.

Велев раскажува што сé правеле бугарските власти за да ги асимилираат Македонците.

- Колку ќотек сум јадел за македонските песни. Облекувавме женски алишта за да го поминеме полицискиот кордон и да стигнеме до Рожденскиот манастир. Никој не може да нé запре. Пак одиме во Рожден, пак сме кај Јане Сандански - вели Велев.

По две години од формирањето, од ОМО Илинден се изроди ОМО Илинден-Пирин. И покрај пресудите од Стразбур, Бугарија одбива да ја регистрира партијата на Македонците.

- Сега државата ни е на колена поради уцените од Грција. Важно е да не потклекнеме, да не се предадеме. Додека постои Македонија, ќе постои и македонското прашање - порачува Георгиев.

Тој е активен член на ОМО Илинден-Пирин. Помага колку што може за партијата да се избори за регистрација, со што ќе може да учествува на избори. Тоа е единствениот пат по кој македонското малцинство може да се вклучи во општествено-политичкиот живот на Бугарија.

Двајцата пријатели нé испратија со поздравот „Многу здравје на Македонија“.

Албанија ги забранува курсевите по македонски јазик во Голо Брдо

Албанија со притисок сака да ги укине курсевите за учениците по македонски јазик во областа Голо Брдо, вели Васил Стерјовски, заменик-градоначалник на општина Пустец. Курсевите се почнати пред помалку од два месеци како граѓанска иницијатива со финансиска поддршка од ЕУ.

- Децата и родителите бараат да се учи македонскиот јазик. Има голема посетеност на предавањата. Кога го видоа тоа, албанските служби почнаа да прават притисок. Ги повикуваат нашите предавачи на информативен разговор во полиција. Полицајците ги бркаат и децата. Очекуваме притисокот да се зголеми пред пролет, кога Албанија треба да прави попис на населението. Целта е жителите на Голо Брдо да не се изјаснуваат како Македонци - вели Стерјовски.

Курсевите ги посетуваат педесетина деца на возраст од шест до 14 години од Голо Брдо, Острени и од други села во таа област.

Едмонд Темелко, градоначалник на Пустец и претседател на партијата Македонска алијанса за европска интеграција, вели дека за овој проблем помош ќе бараат и од амбасадорот на САД во Тирана.

- Се подготвувавме да почнат курсеви и во другите села каде што македонскиот јазик не се учи во училиштата.
Законот тоа не го забранува, а заинтересираноста кај родителите е голема - вели Темелко.

Образованието на мајчин јазик за децата од Голо Брдо е укинато во 1948 година по наредба на тогашниот режим на Енвер Хоџа. По шеесет години, овие курсеви се прва можност да се учи македонскиот јазик во областа на Голо Брдо. Иако населението зборува македонски, официјален јазик во училиштата е албанскиот јазик.

- Се случуваат апсурди. Професорот е Македонец, учениците Македонци, а се учи на албански - вели Стерјовски.

Албанија призна дека постои македонско малцинство само во Мала Преспа. Македонците во Гора и во Голо Брдо немаат ваков статус.

Истовремено, партијата Виножито ја разгледува можноста да почне со курсеви по македонски јазик во областа на Лерин. Во селата во Леринско живее македонско малцинство, но Грција не дозволува настава на македонски јазик.

Жолтото сонце стоплува камен

Жолто сонце ја грее масата од камен во дворот на стариот мајстор Трајко Трајковски од селото Леска во Мала Преспа, Албанија. Ова е Македонија, покажува тој на масата. Кога го обработува каменот, дедо Трајко му дава и душа - шеснаесеткрако сонце има и на чешмите и на спомениците излезени од неговите раце.

- Јас ја сакам Македонија. Телото ми е тука, а душата таму. Ми гори срцето кога слушам дека ни бараат да го смениме името. Јас сум против такво нешто. Непростливо е да се избрише сé што досега е направено. Не смее да се попушти - возбудено раскажува Трајко.

Тој со восхит зборува за градбите што ги оставил зад себе: црквата „Свети Илија“ во струшко Мешеиште, цркви во Битолско, Крушевско, хотели, чешми и други објекти. Зрачи од ведрина додека на македонски јазик, на преспански дијалект и понекој албански збор зборува за Македонија. Мајсторот, со полни 71 година, уште го бараат да работи како во Албанија, така и од оваа страна на границата. На следната чешма, намигнува, ќе го стави македонското знаме.

- Ако дошло ред Грција да командува во цела Европа, таква Европа не ни треба - продолжува старецот додека врти по далечинското од телевизорот за да покаже дека фаќа македонски програми.

Во деветте села во општината Мала Преспа има 5.300 жители, сите Македонци.

Во двете училишта и во гимназијата во Пустец се учи на македонски јазик. Во старите лични карти под „националност“ стои - Македонец. Во новите лични исправи нема таква графа. Ги пишува името и презимето и местото на живеење.

- Според законите на Албанија, Македонците во Мала Преспа имаат одредени права. Проблемот е што тие не се спроведуваат. Според одлука на албанската влада од 1994 година, 60 отсто од наставата треба да е на јазикот на малцинството. Но уште нема испечатено учебници на македонски јазик. Дури оваа година ни ветија дека учебниците ќе бидат готови - вели Васил Стерјовски, заменик-градоначалник на Пустец.

За разлика од Мала Преспа, Македонците од Голо Брдо не добија македонско државјанство откако во 2001 година се укина одредбата во Законот за државјанство со која беа опфатени и Македонците по род. Тие немаат право да учат на македонски јазик.

Општината Пустец поднесе петиција со која бара да се вратат македонските топоними што Албанија ги албанизира во 1974 година. Во регистрите на албанската држава, општината Пустец има друго име - Лиќенас. Сепак, градоначалникот Едмонд Темелко е горд што, покрај албанското име, на симболот на општината стои „Пустец“ на кирилица. Дали е пропуст или нешто друго, но тамошната администрација ова не го избришала.

Автор: Сунчица Стојановска

Фотографија: Роберт Атанасовски, Маја Јаневска Илиева

Веста е прочитана: 1766 Оценка: 4,3

Оставете коментар

Правила за објавување на коментарите

slavica koretic- makedonska
Koj ne ja iskusil navredata, da ne te priznavaat po svoeto poteklo i ime, tesko moze da ja razbere tagata i makata, na toj sto ja oseka sekojdnevno so godini ! Za zal nasite Makedonci vo Bugarija, Albanija i Grcija, toa custvo go osekaat i denes. Slavica Koretic - Makedonska / Hrvatska

Павле
Прво, Андон од Петрич да си гледа бугарштината таму и да не занимава со македонското прашање кога никој не го побарал тоа од него. 96 години го уништувате Македонецот, но јас ви гарантирам дека нема да успеете, никогаш. Второ, на овај Стое, националните чувства се работа која не се мери на катар со пари, пензии и плати. Или си Македонец или не си. А тие луѓе шо се во Македонија без работа, време е да се фатат за работа, а не само да шетаат по кафани. Работа секогаш има, ама дали има јунаци за работа. И последно, БРАВО за сите Македонци во Грција, Бугарија и Албанија кои го дадоа животот и на сите оние кои се уште се борат за македонската кауза. П.С. Вие од редакцијата, зашто дозволувате секакви бугаромански коментари тука?

Од Мене до Вас
Почит до маливе ВЕЛИКАНИ, сами се справуваат со големи крвници. Излага на виделина веќе виденот дека македонците се обесправени на своите вековни огништа. Но за жал и овде гледам пљукачи ко Стое и компанија.

gani
Se povampirija starite vreminja za Makedoncite od site 4dela na MK.Stanavme gragani od tret red ,stanavme meta na site cetiri +edna polu drzava i drzavi sto ne opkruzuvat. Od seto ova minato vreme na stradagana bolki nisto da ne se naucelo stvarno ne mozam da se iznacudam ..Dusmanot do tebe da sedit i da ne go prepoznaes zalosno ,i vo oci ni go pleskat i ni kazuvat koj ni se neprijateli i nie pak ne gi prepoznavame i ne im veruvame ..Strasno 21 i sto godini da ne fakat na ista finta da ne ponavljaat i da ne se poucime na greskite toa se vika katastrofa ..pa luge moi gotova servirana drzava im dadovme na tacna na pomladite generacii i da ja ispustat pa toa boli mnogu boli ...Boli i koga na nekoj si mu dal glas i poverenje i se pravi na toso te ubeduva deka samo nasiot Makedonski slucaj e neresliv so imeto i koga mozel da sutira na prazen gol te ubeduva deka e vo pravo sto nedal gol a ne go otstapuva mestoto tera inat ,pa toa se samo umesani tugi interes samo sto nie ne progledavme i ne progledavme .Sto god.so daljinski Bugarite ne upravuvat ne vlecat za nos preku Bugarskoto lobi koe zivee na nasite prostori i sekogas vo klucen moment gi vlecat politickite potezi protiv nasite drzavni interesi .Vo momentot nikoj drug ne vodi pregovori za makedonija osven Bugarija vo nase ime preku vlasta sto ja ima instalirano .SIte ovie maki sto aftorkata gi ima napisano za nasite Mak.kade i da se se golem golem gref na Bugarite.T ie sega ke izmislat sto prazni izgovori za ova moja konstatacija ama otsekogas toa bile kopiranje na nasta istirija i prisvojuvanja i nisto poveke ..Neka si napravat tie DNK pa ke vidat koj se i sto se...

GOSE SESKO
nemozat moite solzi da zastana gore navedenata izjava na nasite izmaceni Makedonci od porobenite delovi na Makedonija ni kazuvaa kolku e tesko da se ostani da se bidi Makedonec a nie sto napravivme za da im pomognime NISTO.Site nie treba da se razbudime i da nespieme da se obedinime kako narod i da im pomognime na nasiot zaroben narod bez razlika kade se naogja.Ova e cista slika na Grcija,Bugarija i Albanija da ne asimiliraa da ne postoi Makedonska nacija,a Republika Makedonija na site Malcinstva im gi ima dadeno site covekovi prava.Kade e EU kako ne im e stram uste da im veruvaa na Grcite i im dadoa pravo na Bugarija da vlezi vo EU.Kade se albanskite partii da ja pritisnat Albanskata Vlada da im dadat site covecki prava na Makedoncite vo Albania.MAkedonci dali gledate sega e vreme nie Makedoncite zaednicki site zaedno da si go branime idetiteto i nikogas imeto da ne dozvolime da se promeni, nikoj druk nemozi da go smeni imeto nase na krajo da im cestitam na \Nova Makedonija za ovaa zlatna vistinska prikazna na nasite Makedonci molim vas prodolzete poveke visinski izjavi da izdavate za vistinata na Makedonstinata pozdrav Goce od Australija.

Гротеска
Се гордеам со храбрите Македонци од Пиринот и Егеjот... И од петмината!...

Ристо
Еве и во овие коментари има такви што им го забранува свето искажувајне на овие господа,до уредниците неги објавувајте овие лица оти се гледа дека се од тајни служби што човекот го назначи како насилник.Тие неодбираат средства како и како да ги оцрнат.Ова да им је поука на домашните предавници,во што се сомневам тие тоа се и тоа ќе си останат.ДА ЖИВЕЕ МАКЕДОНИЈА СМРТ НА ФАШИСТИТЕ.

Mitreski
Ako ne ziveeb,barem da umram kako Makedonec...se nadevam deka pogore napissanoto go procitale i gospodata Georgievski,Frckovski Crvenkovski i drugi politicar od za zalost mnogute mak.partii koi samo se karaat za bogato kopance a barem po izjavite poveke i sstetat na MK i makedonskiot narod.Samo sploteni vo edno telo treba da i pomognat na vladata da ja izvojuva ovaja vojna so nassite licemerni sosedi.Togass vakvite makedonski tragedii ce vlezat vo istorija.

Pirinec
Avtorot mora da se zaprasha zoshto na prednite izbori OMO podkrepija nezavisni kandidati i vo cela Bulgarija site nezavisni kandidati sobraha ne poveke od 2000 glasa. Avtorot moje sega da sheta bez viza ,pa da ide do arhivite i da chita originalite na Goce i Dame i VMRO i moj da razbere zoshto nikoj ne priznava Makedonija ......... http://macedoniandocuments.blogspot.com/2009/02/goce-delchev.html

МК
Како да не е во право госпожата со убавото македонско име Сунчица ? Ами тиа 300 илjади бежанци, дека зорлем се преселени од Егеjска и Вардарска Македониа во текот на целиот 20 век во Бугариjа ? Тиа луѓе и тевните деца и унуки, дека се родени во вистински за тех, кутрите, концлагер што да велат, а ? Нели знаете ? Сите те се били близу 100 години во Бугарските зандани само зошто се изjавувале како горди македонци !!!

Ana
Moram nesto da predlozam. Ovie golemi luge patrioti da se sretnat so predavnikon Crvenkovski. Sto ke im kaze? Deka se sto preziveale dzabe zatoa sto toj go zaksal imeto uste odamna? Kolku zede predavniku! Dusata me boli Za ovie luge.

Pirin
Ke odgovoram namesto avtorot na bugarofilite - chlenovite na OMO Ilinden se nekolku stotici, bash tochno neznam a i ne e bitno, a na OMO Ilinden Pirin se 6000. Spored oficijalnite podatoci za posledniot popis vo Bugarija zhiveele neshto 5000 Makedonci. Osven niv ima golem broj na Makedonci sho ne se pripadnici na ni edna od obete organizacii. Jas lihno imam takvi rodnini vo Sandanski. Vednash se gleda deka bugarskite statistiki se chista LAGA !!! Zatoa kolku i da se palite MAKEDONIJA E ZEMJA NA MAKEDONCITE a vie ste dojdenci od Azija , barajte si tamu rodinata !

zoran stip
a zosto ne kazat pogornite sogovornici vo vesnikot loku tie zimale pari i drugi materijalni sredstva od togasnata jugoslovenska sluzba i zatoa a mozele da sirat takva ptopaganda vo tugu drzavai zari takvite kako niv sega tpime ekonomski i politicli posledici sipt narod vo makedonija i ne ne primaat vo eu a nato a nivnite familii vo bugarija i grcija pa i vo albanija se primeni vo evropa

maked....
nemoj da im se plasite samo napred oti na kuce ako mu se plasis toa povejke se sili. a GRCITE , vejke si znaat site sredstva gi upotrebuvaat samo da se spasat no GOSPOD e GOLEM i PRAVEDEN. sekoj po zasluga. ima dosta i kaj nas kakol .

R S Prespanceto
Chestito na Stojan Gjorgiev chovek shto istrpe tolku Maltretiranje Zatvori vo negovata Mladost od Bugarskiot fashizam poradi se izjasnal oti e Makedonec. Stojan? Iljadnici Makedonci vo site 4 delovi ova istoto go dozivele maltretiranje ubieni so iljadnici po Grchkite zatvori po ostrovite samo vo eden den vo Lerin gi ubia 14 mladi momchinja od seloto German poradi se izjasna oti se Makedonci. Vo grcija i den deneshen istoto go pravat go maltretirat Makedonskoto naselenie naj Mnogu vo Prespa narodot se plashe da zboruva na nashiot Makedonski majchin jazik se pazt edn od drug ova nasha tragedija nese dopishuva site znaeme shto nise Pecheshe ama nemavme drug izlas. Gledaj sega shto stava so Rep. Makedonija sakae danigo smenat Imeto?ne e samo Grcija nego se tie shto ne podelija sakat dane izkorenat da ne postojme kako nacija i drzava tie se proble mot nash Francia,Anglia, Germania,i Amerika nas nenesakae. Gledaj kolkavi pari e ime dadeno na grcija da propagire za Imeto miljoni dolari sepotr sheni i dosta Miljoni se dadeni vnatre vo nashata Drzava zatoa imame denes problemi vnatre vo drzavata Antichki Makedonci i Platenite Slavjani Kako kese razbereme koga sme isti Narod? ovie Mugo prat kefot na Dushmanot na tie shto ne pod delija dase jadime eden so drug samo za dolarite. Jas mislam sega veke e kasno nashata drzava ke Opstane ova se rodi sega nemoze dane izgubat Vremeto se mena ne e toa vreme koga ne delea sega imame kadri imame uchen Narod seta nasha Mladina e uchena imame akademija profesori mladi Ima i (stari Nekoj shtose ucheni od novata Grchka Mitologija) (slavjani dojdeni vo 6tiot vek) sega mozeme da najdeme pravilnata Makedonska istorija pisana od pred Grcija dae naprat Drzava Se novogje Knigi od pred 1000 godini i tie mnogu ubavo pishat za Makedonija i za seto slavjansko Poteklo Shto Korenot mue Makedonija Chitajte! vo Harwart Univerzitetot vo Amerika ima Knigi i vo Gemania vo Anglia samo vo Arhivite dagi pobarate i Starite Bokoj predi ova nova Grchka drzava so negovite Lazovni istori ! chitat

kopakabana
Saso, se e ok, na lugjevo da im se voshituvas, tie se za sekoja pocit. Problemot e so nas koi sme vo Makedonija, nas ne ne biduva.A kolku za potsetuvanje, ne taka davno imavme Makedonci dojdeni od Albanija za da ziveat tuka.I sto bidna? Gi "sutkaa" lugjeto od vrata do vrata po administrativcite koi pak si gi "leceva" svoite bolno frustrirani dusicki (normalno so "amin" od nekogo), te na istite tie na koi im bese son da dojdat vo Makedonija mnogu brgu im "skisna", vprocem i kako na nas, neli?!

Goran
Kade e nashata vlada i shto raboti na toj plan? Po se izgleda kako i predhodnite vladi: SPIE! Ovde malcinstvata imaat i univerziteti, a vo sosednite zemji ne smeat ni vo prvo oddelenie da ucat na makedonski jazik... Kade e sega EU, OBSE i SAD i nivnite standardi i chovekovi prava?! Sorosoidi i ostala bagra kade ste sega da lomotite za demokratijata i zapadnite vrednosti...?! Politika na reciprocitet?! Ili i ponatamu kje pieme nafta i sekoja vlada kje se udira vo gradi deka neshto znachajno napravila za Makedonija i makedoncite kade i da se, a posebno za tie vo Albanija, Bugarija i Grcija...

angel
Zalosno e da se cita sto se moraat da trpat makedoncite vo sosednite zemji ostaveni bez nicija zastita. Da imaa cuvsvo na sram nasite politicari trebase da propadnat v zemja, namesto da gi stitat osnovnite prava na makedoncite i vo sosednite zemji tie ce ja prodadat i sopstvenata zemja i ce se otkazat od imeto Makedonija.No tie gi donesoa na prosjacki stap svoite gradjani (kako sto pisuva "stoe"),pa ce gi zastitat li Makedoncite vo sosednite zemji.

stoe
na toj stojan bi mu predlozil da dojde vo makedoni da se naseli da vidi kako se zivee kako stecaec ili nevraboten ili bez penzija,vo maked ima 100000ludje na 65god bez penzija a vo bug site ima tpenzija i rabota.

Andon ot Petrick
Boje boje pa Stoqn e naj golemio ajduk vo Petrick i ne smee da zamrkne negde oti ima da vracha pari na pola grad. I e lejal vo zatvor za opit za ubisvo go pretepale edno momch fori di mrt so drugi dvama. A pred ima 15 godin odeshe da zapisuva ora i im obshtavashe po 1000 maraka ama poshto na nikogo nishto ne e dal dokolko zmam pa tie go bea pretepale. Izuchte gi barem malce ludeto pred da pishete za nih oti e stvarno smeshno pa duri jalko. Stjan bandito boje boje

L Pejovska
srceto mi place seta sum potresena od vashite svedocenja! Golema pocit do vas Gospoda !!! Neka se zasramat izrodnicite shto nese priznavaat samite kako Makedonci od takvi kako niv dojdeni sme do ova deredze.Samo ima cesni braka i sestri i tie se vekina koj si ja sakaat i ziveat za nashata Makedonija.Nashive dushi se vo katran goreni i se ke istrpat , Makedonecot vistinski nikogash ne umira !!!!Da zivee Makedonija od site strani i siot Makedonski narod!!!

Балканец
Сакам да прашам авторот: "Колку се вкупно Македонците во Бугарија според пописот од 2001 година одржан под надзор на ЕУ? Колку се вкупно граѓаните на Пиринска Македонија и колку Македонци според регистрација живеат во Пиринска Македонија? Колку се вкупно членовите на ОМО" Илинден " ? Има ли таква статистика и за Егејска Македонија?

Saso
Alal da vi e be luge sekoja cest.Doaga vremeto na duhovno obedinuvanje na Makedoncite a so vlez vo Evropa i fizicki, istrajte vo vasata borba zosto cest i gordost e da si Makedonec