 |
|
|
| |
број 21867 | понеделник 21.12.2009
петок, 3.9.2010
|
|
Археолошките истражувања на увид од Нова година до крајот на март |
|
||||||||||||||||||||||||
Голема постановка со највредните наоди од годинашниве археолошки истражувања на 18 локалитети низ земјава ќе биде отворена пред Нова годинаи ќе трае до крајот на март во трите сали на Музејотна Македонија |
|||||||||||||||||||||||||
 |
|||||||||||||||||||||||||
 |
|||||||||||||||||||||||||
| Златниот накит и посмртните украси, кои летово беа откриени кај Горна Порта во Охрид, ќе бидат изложени на големата археолошка изложба, која на крајот на годината ќе биде отворена во Музејот на Македонија. Овие извонредни наоди од 4-5 век пред нашата ера, кои храбро беа споредени со златните посмртни маски од Требеништа, ќе бидат меѓу експонатите на постановката, која во трите сали на Археолошкиот музеј (во Музејот на Македонија) ќе ги претстави наодите, откриени во годинашниве истражувања на 18 локалитети низ земјава. - Ќе бидат претставени наодите од сите капитални истражувања што се одвиваа годинава, значи од Исар - Марвинци, од Плаошник и Самоиловата тврдина, од Стоби, скопската тврдина, виничкото кале, Баргала, Исар - Штип, Стибера, Хераклеја Линкестис и други - најавува Паско Кузман, директор на Управата за заштита на културното наследство. Како што велат археолозите, тешко е да се издели што е најзначајно од годинашнава истражувачка продукција, но изложбата особено внимание ќе посвети на наодите од Исар - Марвинци. Во годинашниве истражувања на овој локалитет, поради своето богатство и достапност можеби најизложен досега на диви ископувања, се откриени драгоцени наоди и на железнодопската и во римската некропола. Стели, надгробни плочи, посмртна ритуална опрема, керамички предмети, накит, оружје, садови се само дел од богатите наоди од Исар - Марвинци. Особено вредни се, сепак, керамичките луксузни садови со црвено фигурално сликарство. Тие, како што велат археолозите, се показ дека населението што живеело во овој град било богато, високоцивилизирано и веројатно го предводело развојот во целиот регион. Изложба на наоди од годишните истражувања беше одржана и минатата година и, според зборовите на Кузман, треба да стане традиција. Годинашнава изложба ќе биде отворена до крајот на март. |
|||||||||||||||||||||||||
|
|||||||||||||||||||||||||
| Веста е прочитана: Оценка: | |||||||||||||||||||||||||
|
|||||||||||||||||||||||||
|
|||||||||||||||||||||||||
| Powered by Dejan Jovanovski |  |